ព័ត៌មានជាតិ

ភ្នំពេញ ៖យុវជនម្នាក់ បាន ស.្ល.ា.ប់.ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ ក្រោយជិះម៉ូតូឌុបគ្នា គេចពីក្មេងទំនើងមួយក្រុមដេញកាប់ ជ្រុលទៅបុកខឿន ដួលបោកទៅនឹងផ្លូវកាលពីម៉ោង ជាង៣ ទៀបភ្លឺឈានចូលថ្ងៃទី៤ខែមេសាឆ្នាំ២០២៤ ស្ថិតនៅតាមបណ្តោយផ្លូវជាតិលេខ៤ សង្កាត់ត្រពាំងក្រសាំង ខណ្ឌពោធិ៍សែនជ័យ។ សពមានឈ្មោះ ណាង អាយុជាង២០ឆ្នាំ បច្ចុប្បន្ន ស្នាក់នៅបន្ទប់ជួលម្តុំផ្សារព្រៃទារ ខណ្ឌពោធិ៍សែនជ័យ៕ ថ្ងៃទី០៤.០៤.២៤ រាយការដោយL04 រៀបរៀងអត្ថបទដោយ L13

ភ្នំពេញ ៖ ក្រោយពីបែកធ្លាយ វីដេអូរ មន្រ្តីនគរបាលចរាចរណ៍សណ្ដាប់សាធារណៈ ចុះមកបម្រុង អូសរថយន្ត ស៊េរីទំនើប មួយគ្រឿង ចតល្មើសទិស នៅមុខទីតាំងហាងកាហ្វេមួយកន្លែង កាលពីម្សិលមិញ បន្ទាប់ពីម្ចាស់ទ្បានហុចអ្វីម្យ៉ាង ទៅអោយ មន្រ្តីនគរបាលបែរជាប្ដូរចិត្ត មិនអូសយករថយន្តនោះទៅវិញ។ ក្រោយឃើញសកម្មភាពខុសឆ្គងវិនិយចែកចាយក្នុង បណ្ដាញសង្គម អ្នកនាំពាក្យស្នងការបញ្ជាក់ថា មន្រ្តី៣នាក់ ត្រូវបាន ហៅមកអប់រំ ណែនាំធ្វើកិច្ចសន្យាជាលើកទី១៕L18

បុរសម្នាក់ប្រើប្រាស់សារធាតុញៀន បង្កការអុកឡុកនៅក្នុងមូលដ្ឋាន និងធ្វើសកម្មភាពជាន់លើទង់ជាតិព្រះរាជាណាចក្រកម្ពុជា ត្រូវបានកម្លាំងប៉ុស្តិ៍នគរបាលរដ្ឋបាលស្ទឹងមានជ័យ២​ នៃអធិការដ្ឋាននគរបាលខណ្ឌមានជ័យ បានឃាត់ខ្លួន ដើម្បីអនុវត្តតាមនីតិវិធី កាលពីថ្ងៃទី១៨ ខែមករា ឆ្នាំ២០២៤ មកម្លេះ។ ជនសង្ស័យឈ្មោះ អ៊ុក​ ភក្តី​ ភេទប្រុស​ មុខរបរ​ រេីសអេតចាយ ស្នាក់​នៅ​ ផ្ទះ​ជួល​ ភូមិដំណាក់ធំ៤​ សង្កាត់​ស្ទឹងមានជ័យ​២​ ខណ្ឌ​មានជ័យ​ រាជធានីភ្នំពេញ។L18

ខេត្តប៉ៃលិន ៖ កាលពីវេលាម៉ោង​ ១៧ និង ៣០ នាទី​ ថ្ងៃទី ២១ ខែ មីនា ឆ្នាំ​២០២៤ កម្លាំងជំនាញផ្នែកនគរបាលយុត្តិធម៌ នៃអធិការដ្ឋាននគរបាលស្រុកសាលាក្រៅ បាននាំខ្លួនជនជាប់ចោទ វាយប្រពន្ធស្លាប់នោះ ឈ្មោះ មាស ម៉ៅ អាយុ ៥៦ឆ្នាំ​ ពាក់ព័ន្ធករណី​ ហិង្សាដោយចេតនាមានស្ថានទម្ងន់ទោស ប្រព្រឹត្តនៅភូមិស្ទឹងកាច់ ឃុំស្ទឹងកាច់ ស្រុកសាលាក្រៅ​ ខេត្តប៉ៃលិន​។  ការបញ្ជូនជនជាប់ចោទទៅកាន់ពន្ធនាគារ តាមដីកាបង្គាប់ឲ្យឃុំខ្លួនរបស់លោក​ ស៊ុយ រ៉ា ហួរ ចៅក្រមស៊ើបសួរ នៃសាលាដំបូងខេត្តប៉ៃលិន។L18

ក្រុងកោះរ៉ុង៖វត្តមាននៅឯខេត្តព្រះសីហនុ ក្រុមបវរកញ្ញាមកពីបណ្តាប្រទេសនានាជាង៥០ប្រទេសលើពិភពលោក រីករាយ កំសាន្តចូលរួមលេងល្បែងប្រជាប្រិយខ្មែរយើងមានដូចជា វាយក្អម,រាំដណ្តើមកៅអី ទូលក្អមដើរ ដណ្តើមស្លឹកឈើជាដើម ជាមួយអារម្មណ៍រំភើបនៅលើកោះរ៉ុង (ម៉ាហ្វីយ៉ារីសត) នៅយប់ថ្ងៃទី២៣ ខែមីនា ឆ្នាំ២០២៤នេះ៕L18

ក្រុមគ្រួសារជនរងគ្រោះសូមលើកម្រាមដៃដប់បួងសួងនិងថ្លៃអំណរគុណនិងកោតសរសើរអស់ពីចិត្តនិងសុំជូនពរដល់លោកឧត្តមសេនីយ៍ឯកង៉េង ជួ ប្រធាននាយកដ្ឋានព្រហ្មទណ្ឌក្រសួងមហាផ្ទៃនឹងលោកឧត្តមសេនីយ៍ត្រី ហ៊ុន មុនីរ័ត្ន អនុប្រធាននាយកដ្ឋានព្រហ្មទណ្ឌក្រសួងមហាផ្ទៃព្រមទាំងលោកវីរៈសេនីយ៍ឯក ឆាន់ គឹមលី ព្រមទាំងក្រុមការងារទាំងអស់ឱ្យមានសុខភាពល្អ និងឈ្នះអស់មាសសត្រូវ។ កាលពីថ្ងៃទី២៩ ខែកុម្ភៈ ឆ្នាំ២០២៤ មានករណីមនុស្សឃាតដោយចេតនា បានកើតឡើងនៅចំណុច ឃុំបន្លិចប្រាសាទ ស្រុកពាមរក៍ ខេត្តព្រៃវែង បង្កឡើងដោយជនសង្ស័យឈ្មោះ ឡឹង ស៊ីនិត ភេទប្រុស អាយុ៣៩ឆ្នាំ បានធ្វើសកម្មភាពយកពូថៅកាប់ទៅលើជនរងគ្រោះឈ្មោះ ឡឹក សុធា ភេទស្រី និងឈ្មោះ ខឹម សុផល ភេទប្រុស អាយុ៤៨ឆ្នាំ ជនជាតិខ្មែរ បណ្តាលឲ្យរងរបួសធ្ងន់។ បន្ទាប់ធ្វើសកម្មភាពរួចជនសង្ស័យឈ្មោះ ឡឹក ស៊ីនិត បានរត់គេចខ្លួនបាត់។ ក្រោយពីទទួលបានបណ្តឹងរបស់ជនរងគ្រោះ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, នាយកដ្ឋាននគរបាលព្រហ្មទណ្ឌ​ បានសហការជាមួយ និងស្នងការដ្ឋាននគរបាលខេត្តព្រះសីហនុ បានធ្វើការស្រាវជ្រាវតាមនីតិវិធី ជំនាញរហូតកំណត់បានទីតាំងលាក់ខ្លួនរបស់ជនសង្ស័យខាងលើ​។ រហូតដល់ថ្ងៃទី២១ […]

(ដំណឹង​បឋម)ខណៈនេះមានករណីអគ្គីភ័យឆាបឆេះរោងចក្រមួយកន្លែងស្ថិតនៅរោងចក្រមួយកន្លែង យុីហោ អ.ជី ហួត វ៉ែ ផលិតស្បែកជើង ដែលស្ថិតនៅតាមផ្លូវជាតិលេខ៤ ក្នុងភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្តាល វេលាម៉ោង៥:៣០នាទីល្ងាច ថ្ងៃទី១៨ ខែមិនា ឆ្នាំ២០២៤។ រថយន្តពន្លត់អគ្គិភ័យច្រើនគ្រឿងត្រូវបានបញ្ជូនទៅតាមអង្គភាពផ្សេងៗ ដើម្បីជួយអន្តរាគមន៍ ក្នុងនោះ កងសង្គ្រោះរបស់អង្គភាព៧១១ កងពលតូចលេខ៧០ ចូលរួមសហការផងដែរ៕L18

តុលាការផ្តន្ទាទោសលើជនជាប់ចោទចំនួន២នាក់ដាក់ពន្ធនាគារក្នុងម្នាក់ៗ កំណត់អស់មួយជីវិតពីបទ រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ចំនួន១៦០គីឡូ ភ្នំពេញ៖ នៅព្រឹកថ្ងៃទី១៩ ខែមីនាឆ្នាំ២០២៤ លោក កី ម៉ានេរ៉ា ប្រធានក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ បានធ្វើការប្រកាសសាលក្រមផ្តន្ទាទោសលើជនជាប់ចោទចំនួន២នាក់ ១.ឈ្មោះ ង្វៀន ជុងហឹង ភេទប្រុស អាយុ៣៨ឆ្នាំ ជនជាតិ វៀតណាម ២.ឈ្មោះ ប៊ុន ស៊ូកែវអាពុន ភេទប្រុស អាយុ២៥ឆ្នាំ ជនជាតិ ឡាវ ដាក់ពន្ធនាគារក្នុងម្នាក់ៗ កំណត់អស់មួយជីវិត និងពិន័យជាប្រាក់ក្នុងម្នាក់ៗ៨០លានរៀល បង់ចូលថវិការដ្ឋ ពីបទ រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ចំនួន១៦០គីឡូ។L18