( កំពង់ចាម ) មានករណីលោតទឹកសម្លាប់ខ្លួនមួយ ដែលជាយុវតីសិស្សសាលាម្នាក់ត្រូវបានគេប្រទះឃើញលោតពីលើស្ពានគីហ្ស៊ុណា ដោយបន្សល់ទុកម៉ូតូមួយគ្រឿង ម៉ក Zoomer X ពាក់ស្លាកលេខ ត្បួងឃ្មុំ 1E 5921 នៅក្បែរបង្កាន់ដៃស្ពាន បានបង្កការភ្ញាក់ផ្អើលដល់ប្រជាពលរដ្ឋដែលធ្វើដំណើរតាមម៉ូតូនិងរថយន្ត នាំគ្នាចោមរោមមើលនៅលើស្ពានគីហ្ស៊ុយណា ត្រង់ចន្លោះសសរប៉េ៩និងប៉េ១០ ស្ថិតក្នុងសង្កាត់វាលវង់ ក្រុងកំពង់ចាម ខេត្តកំពង់ចាម ។
តាមប្រភពពីនគរបាលប្រចាំការនៅចំណុចស្ពានខាងលើបានឱ្យដឹងថា បន្ទាប់ពីមានហេតុការណ៍ភ្ញាក់ផ្អើលខាងលើរួចមក កម្លាំងនគរបាលបានចុះទៅដល់ត្រង់ចំណុចកើតហេតុ រកឃើញមានរបស់របររបស់ជនរងគ្រោះបន្សល់ទុករួមមានម៉ូតូមួយគ្រឿងដូចខាងលើ ស្បែកជើងមួយគូ និងកាតាបមួយ ហើយនៅក្នុងកាតាបនោះរកឃើញអត្តសញ្ញាណជនរងគ្រោះគឺជាសិស្សឈ្មោះជា វិជ្ជរ៉ាភេទស្រី អាយុ១៥ឆ្នាំ រៀនថ្នាក់ទី១០«B» នៅវិទ្យាល័យសម្ដេចម៉ែ ក្នុងភូមិជប់ ឃុំជប់ ស្រុកត្បូង ឃ្មុំខេត្តត្បូងឃ្មុំ ។ ករណីនេះកើតឡើងកាលពីវេលាម៉ោង១១និង៤៩នាទីព្រឹកថ្ងៃទី១៤ខែមិនាឆ្នាំ ២០២២ សម្រួលអត្តបទដោយ L14!
