ព័ត៌មានជាតិ

អ្នកលេងរត់បាតជើងសព្រាត បន្ទាប់ពីក្រឡេកឃើញសមត្ថកិច្ច បន្សល់ទុកតែម៉ូតូជាច្រើនគ្រឿង និង វត្ថុតាងមួយចំនួន…

21-06-2023 Vanna Thavy Comment(0)

ខេត្តក្រចេះ ៖ កម្លាំងអធិការដ្ឋាននគរបាលស្រុកចិត្របុរី កាលពីរសៀលថ្ងៃទី១៨ មិថុនា ២០២៣ បានឆ្មក់បង្ក្រាបដល់ទីតាំងជល់មាន់មួយកន្លែង ស្ថិតនៅចំណុចត្រពាំងប្ញស្សី ភូមិថ្មគ្រែកណ្ដាល ឃុំថ្មគ្រែ ស្រុកចិត្របុរី ខេត្តក្រចេះ ដោយដកហូតវត្ថុតាងមួយចំនួនទៅរក្សាទុទុជាបណ្តោះអាសន្ន និងមួយចំនួនទៀតត្រូវដុតកម្ទេចចោលនៅនឹងកន្លែង ។

ក្នុងប្រតិបត្តិការបង្ក្រាបទីតាំងជល់មាន់នោះ ក្រុមអ្នកលេងជល់មាន់ និងលេងល្បែងអាប៉ោងភ្នាល់ គ្រាន់តែក្រឡេកឃើញកម្លាំងនគរបាលចុះទៅដល់ទីតាំង ក្រុមអ្នកជល់មាន់ទាំងនោះរត់បាតជើងសព្ព្រាត ដោយបន្សល់ទុកម៉ូតូជាច្រើនគ្រឿង និងវត្ថុតាងជាច្រើនទៀត ។

ទាក់ទិនវត្តុតាងដែលកម្លាំងនគរបាលដកហូតរួមមាន ម៉ូតូចំនួន១៤គ្រឿង កៅអីជ័រចំនួន៤ ចានទ្រនាប់ដាក់ខ្សាច់ សម្រាប់បាញ់អាប៉ោងចំនួន០១,ខ្នាយមាន់ដែក១គូ,កញ្ចក់ជ័ររបាំងមាន់ចំនួន៣,មាន់ជល់ចំនួន៣ក្បាល(ងាប់១),តុឈើចំនួន១,ស្បៃរបាំងសង្វៀនជល់មាន់ចំនួន១ខ្សែ,កន្ត្រកដាក់មាន់យកមកជល់ចំនួន៣,ឡាំងស្នោសម្រាប់ដាក់ភេសជ្ជះចំនួន១។

បច្ចុប្បន្ន សម្ភារវត្ថុតាងខាងលើ បានយកមករក្សាទុកបណ្ដោះអាសន្ន នៅអធិការដ្ឋាននគរបាលស្រុកចិត្របុរី ដោយឡែក កៅអីជ័រ, ស្បៃរបាំង ដុតបំផ្លាញចោលនៅកន្លែង។

ដោយ: សេង ណាណូ

Vanna Thavy

http://sltvonline.com

ព័ត៌មានជាតិ

ករណីបង្ខាំងមនុស្សដើម្បី…!

02-02-2023 Vanna Thavy

ព័ត៌មានបឋម ========= ក្រុងព្រះសីហនុ ========== ល្ងាច ថ្ងៃទី៣១ ខែមករា ឆ្នាំ២០២៣ សមត្ថកិច្ចចំរុះ និងអាជ្ញាធរពាក់ពន្ធ័ បានចុះត្រួតពិនិត្យទីតាំងអាជីវកម្មសណ្ឋាគារកាសុីណូយ៉ាពរ័ ក្នុងសង្កាត់លេខ៣ ក្រុងព្រះសីហនុក្រោយមានសេចក្តីរាយការណ៍ទៅសមត្ថកិច្ចថា មានករណីបង្ខាំងមនុស្ស។ ក្រោយការពិនិត្យនិងសាកសួរ សមត្ថកិច្ចបញ្ជាក់ថា នេះមិនមែនជាករណីបង្ខាំងមនុស្សជំរិតទារប្រាក់ទេ គឺពាក់ពន្ធ័នឹងទំនាស់រវាងអ្នកជួលទីតាំងធ្វើអាជីវកម្មដែលក្ស័យធន ជាជនជាតិកូរ៉េ និងភាគីម្ចាស់ទីតាំងជាជនជាតិចិន។ ទោះជាយ៉ាងនេះក្តី សមត្ថកិច្ចនៅបន្តសាកសួរនិងស្រាវជ្រាវបន្ថែមទៀត និងបានបញ្ជាក់ថា ករណីនេះមិនមែនជាករណីចាប់បង្ខាំងមនុស្សជំរិតទារប្រាក់ទេ។ រាយការណ៍ដោយL42 រៀបរៀងអត្ថបទដោយL13

ព័ត៌មានជាតិ

ខេត្តកំពត (បើក ទ្វារ រំដោះ ទឹក)

13-07-2022 Vanna Thavy

យោងតាម=Facebook =ផ្លូវការស្នងការនគរបាលខេត្តកំពតឲ្យដឹងថា ស្ថានភាពកម្ពស់ទឹកនៅទំនប់វារីអគ្គិសនីកំចាយ វេលាម៉ោងជិត9យប់នៅថ្ងៃទី 12កក្កដា2022 ទឹកក្នុងទំនប់មានកម្ពស់ស្មើនឹង146.68 m លំហូរចូល 2121.48 ម៉ែត្រគូបក្នុងមួយវិនាទី ។ ដើម្បីធានាដល់សុវត្ថិភាព ក្រុមហ៊ុនវារីអគ្គិសនី បានបើកទ្វារទឹកចំនួន 04 ដោយទ្វារនីមួយៗមានកម្ពស់ស្មើនឹង2m មានលំហូរចេញពីអាង 1019.7 ម៉ែត្រគូបក្នុងមួយនាទី។ សុំបញ្ជាក់ថា ក្នុងបំណងបញ្ចៀសនូវការខូចខាតទ្រព្យសម្បត្តិ ប្រជាពលរដ្ឋជាយថាហេតុ ក្រុមហ៊ុនស៊ីណូហាយដ្រូ បានជូនដំណឹងដល់រដ្ឋបាលខេត្តកំពត ដើម្បីបញ្ជ្រាប បន្តស្តីពីការបើកទ្វាររំដោះទឹកចេញពីអាងទំនប់វារីអគ្គិសនីកំចាយ ។ សេចក្តីជូនដំណឹង របស់ក្រុមហ៊ុន នៅរសៀល ថ្ងៃទី១២ ខែកក្កដា ឆ្នាំ ២០២២ មានខ្លឹមសារ ថា៖ ដោយមានភ្លៀងធ្លាក់ជាបន្តបន្ទាប់ នៅ តំបន់ទំនប់កំចាយ ធ្វើឱ្យកម្រិតទឹកក្នុងអាង ស្តុកកើនឡើងយ៉ាងឆាប់រហ័ស ។ ជាក់ស្តែង នៅវេលាម៉ោង២ រសៀលថ្ងៃទី ១២ ខែកក្កដា នេះ បរិមាណទឹកហូរចូលក្នុងអាងមានចំណុះ ១.៥៣៤ ម៉ែត្រត្រីគុណ ក្នុងមួយវិនាទី ធ្វើឱ្យ កម្ពស់ទឹកឡើងដល់កម្រិត ១៤៤,៧០ […]

ព័ត៌មានជាតិ ព័ត៌មានសន្តិសុខសង្គម

ស្ត្រីម្នាក់ត្រូវបានប្តីបង្រៀនឱ្យចេះបើកបរ បានបុ.ករះ បណ្តាលឱ្យ.ស្លា..ប់.ស្ត្រីម្នាក់ និង.រ.បួស.ធ្ងន់.ស្រាល៧នាក់…

31-03-2023 Vanna Thavy

ខេត្តបន្ទាយមានជ័យ៖ កាលពីរសៀលថ្ងៃទី២៩ ខែមីនា ឆ្នាំ២០២៣ ស្ត្រីម្នាក់ត្រូវបានប្តីបង្រៀនឱ្យចេះបើកបរបានបុករះ បណ្តាលឱ្យស្លាប់ស្ត្រីម្នាក់និងរបួសធ្ងន់ស្រាល៧នាក់ នៅតាមបណ្ដោយផ្លូវលំស្ថិតភូមិគុត្តសតក្នុង ឃុំគុត្តសត ស្រុកអូរជ្រៅ ។ មុនពេលគ្រោះថ្នាក់ចរាចរណ៍កើតឡើងមានរថយន្តម៉ាកឡិចស៊ីRX.300 ពាក់ផ្លាកលេខសៀមរាប2C-0898 ដែលបើកបរដោយស្រ្តិម្នាក់និងបុរសម្នាក់រួមដំណើរជាមួយគ្នាទំនងប្តីជាអ្នកបង្រៀនប្រពន្ធបើកបរតាមបណ្តោយផ្លូវលំក្នុងទិសដៅពីត្បូងទៅជើង លុះមកដល់ចំណុចកើតហេតុក៏ស្រាប់តែរេចង្កូតបុករះនៅមុខផ្សារខាងលិចចិញ្ចើមផ្លូវបណ្តាលឱ្យស្លាប់ស្ត្រីម្នាក់នៅនឹងកន្លែង ហើយរបួសធ្ងន់ស្រាលចំនួន៧នាក់និងចូលក្នុងផ្ទះលក់អីវ៉ាន់ចាប់ហួយមុខផ្សារ។ ភ្លាមៗនោះជនរងគ្រោះត្រូវសាច់ញាតិបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់ ហើយអ្នកបើកបរ២នាក់ប្តីប្រពន្ធបានបើកទ្វាររត់គេចខ្លួនបាត់។ ជនរងគ្រោះដែលស្លាប់និងរបួសទាំង៧នាក់នោះមាន ១.ឈ្មោះ សាប់ និន ភេទស្រី អាយុ៥៨ឆ្នាំ(ស្លាប់)២.ឈ្មោះ ដួង ផានី ភេទស្រី អាយុ៤០ឆ្នាំ(របួសធ្ងន់) ៣.ឈ្មោះ ដួង វាសនា ភេទប្រុសអាយុ៤១ឆ្នាំ ៤.ឈ្មោះ រី រ័ត្ន ភេទស្រីអាយុ២៦ឆ្នាំ(របួសស្រាល) ៥.ឈ្មោះ ឃឹម សុឃួន ភេទស្រីអាយុ៤៣ឆ្នាំ(របួសស្រាល) ៦.ឈ្មោះ គុជ សៀវអុី ភេទស្រី អាយុ២ឆ្នាំ(របួសធ្ងន់) ៧.ឈ្មោះ ង៉ិ ចាន់រះ ភេទស្រី អាយុ១០ឆ្នាំ(របួសស្រាល) ៨.ឈ្មោះ ង៉ា ពឹមខៀង ភេទស្រីអាយុ៤ឆ្នាំ(របួសស្រាល)ដែលរស់នៅភូមិគុត្តសតក្នុង ឃុំគុត្តសត ស្រុកអូរជ្រៅ។ […]