បុរសម្នាក់ជិះម៉ូតូSUZUKI Let’s ប ុ ក. រថយន្ដសេរីទំនើបម៉ាក….!

14-10-202214-10-2022 Vanna Thavy Comment(0)

បុរសម្នាក់ជិះម៉ូតូSUZUKI Let’s បុករថយន្ដសេរីទំនើបម៉ាកលុចស៉ីស CT 200h ពេញទំហឹងត្រង់ចំណុចផ្លូវបំបែកជាបួន បណ្ដាលឲ្យរងការខូចខាត ហេតុការណ៍នេះស្ថិតតាមបណ្ដោយផ្លូវ១១២ កែងផ្លូវ២២១ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ វេលាម៉ោង៩:១០នាទីយប់ ថ្ងៃទី០៨ ខែតុលា ឆ្នាំ២០២២។

អត្ថបទដោយ(កែមម៉ូវ)ហៅ L12 ទំនាក់ទំនងលេខទូរសព្ទ 070500010/ 011520355

Vanna Thavy

http://sltvonline.com

ព័ត៌មានជាតិ ព័ត៌មាននយោបាយ

ឯកឧត្តមប្រាក់សុខុនរដ្ឋមន្ត្រីក្រសួងការបរទេសកម្ពុជាបានជួបជាមួយ ឯកឧត្តមបណ្ឌិត វីវៀន បាឡាគ្រីស្ហ្សណាន់ រដ្ឋមន្ត្រីការបរទេសសិង្ហបុរី

15-02-202224-02-2022 SL

(ភ្នំពេញ) ឯកឧត្តមប្រាក់សុខុនរដ្ឋមន្ត្រីក្រសួងការបរទេសកម្ពុជាបានជួបជាមួយ ឯកឧត្តមបណ្ឌិត វីវៀន បាឡាគ្រីស្ហ្សណាន់ រដ្ឋមន្ត្រីការបរទេសសិង្ហបុរី ក្នុងអំឡុងដំណើរទស្សនកិច្ចផ្លូវការនៅកម្ពុជា និងដើម្បីចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ាន។ ឯកឧត្តមបានមានប្រសាសន៍ថាក្នុងអំឡុងពេលពីរឆ្នាំចុងក្រោយនេះ ជំងឺកូវីដ-១៩ បានបង្កការបង្អាក់រំខានដល់ជំនួបរបស់យើងម្តងហើយម្តងទៀត។ យ៉ាងណាមិញ យើងនៅតែបន្តសហការ និងគាំទ្រគ្នាទៅវិញទៅមក ដើម្បីរក្សាទំនាក់ទំនងល្អរវាងប្រទេសយើង និងពង្រីកកិច្ចសហប្រតិបត្តិការដើម្បីផលប្រយោជន៍រួមរបស់ប្រជាជនយើង។ លោកក៏បានអបអរសាទរប្រទេសសិង្ហបុរីដែលបន្តនាំមុខគេជារដ្ឋាភិបាលទីក្រុងឆ្លាត ក្នុងចំណាត់ថ្នាក់កម្រិតសកល។ ហើយខ្ញុំសង្ឃឹមថា កត្តានេះក៏នឹងជំរុញឱ្យមានការជឿនលឿននៃហេដ្ឋារចនាសម្ព័ន្ធបច្ចេកវិទ្យា និងគំនិតផ្តួចផ្តើមឌីជីថលក្នុងប្រទេសជាសមាជិកអាស៊ានផងដែរ។ ឯកឧត្តមប្រាក់សុខុនបានបន្តទៀតថា ឯកឧត្តមបណ្ឌិត និងគណៈប្រតិភូទាំងអស់ពេញចិត្តអាហារថ្ងៃត្រង់ដែលយើងបានរៀបចំជូន និងការស្នាក់នៅក្នុងរាជធានីភ្នំពេញរហូតដល់ពេលចប់បេសកកម្ម នេះជាមោទភាពណាស់។ សម្រង់អត្តបទដោយ L14

ព័ត៌មានជាតិ

បង្ក្រាបទីតាំងល្បែងស៊ីសងខុសច្បាប់ (អាប៉ោង) ត្រង់ចំណុចទួលនិម្មិត ស្ថិតក្នុងភូមិកោះស្វាយ ឃុំតាលោ ស្រុកតាលោសែនជ័យ ខេត្តពោធិ៍សាត់…

04-03-2023 Vanna Thavy

ខេត្តពោធិ៍សាត់ ៖ កាលពីថ្ងៃ២៦ ខែកុម្ភៈ ឆ្នាំ២០២៣នេះ កម្លាំងសមត្ថកិច្ចនគរបាលស្រុកតាលោសែនជ័យ ដឹកនាំដោយលោកវរសេនីយ៍ឯក អ៊ុល ហៃ អធិការនគរបាលស្រុក បានដឹកនាំកម្លាំងចុះសហការជាមួយមន្ត្រីមូលដ្ឋាន ធ្វើការបង្ក្រាបទីតាំងក្រុមលេងល្បែងស៊ីសង។ ប្រតិបត្តិការនេះធ្វើឡើងបន្ទាប់ពីទទួលបានសេចក្តីរាយការណ៍ព័ត៌មានពីប្រជាពលរដ្ឋ អំពីការប្រមូលផ្ដុំគ្នាលេងល្បែងភ្នាល់ខុសច្បាប់ ភ្លាមនោះលោកវរសេនីយ៍ឯក អ៊ុល ហៃ អធិការស្រុកតាលោសែនជ័យនៃស្នងការដ្ឋាននគរបាលខេត្តពោធិ៍ សាត់ ដឹងនាំកម្លាំងជំនាញចុះបង្ក្រាបទីតាំងល្បែងស៊ីសងខុសច្បាប់អាប៉ោង ត្រង់ចំណុចទួលនិម្មិត ស្ថិតក្នុងភូមិកោះស្វាយ ឃុំតាលោ ស្រុកតាលោសែនជ័យ ខេត្តពោធិ៍សាត់។ បន្ទាប់ពីកម្លាំងសមត្ថកិច្ចចុះទៅដល់អ្នកលេងល្បែងស៊ីសងបានដឹងខ្លួនមុនក៏គ្នារត់គេចខ្លួនបាត់អស់ ដោយបានបន្សល់ ទុកនៅកន្ទេលកំរាលលេងចំនួន១ បន្ទាប់មកត្រូវបានសមត្ថកិច្ចប្រមូលដុតកម្ទេចចោលនិងកន្លែងកើតហេតុ៕ ដោយ : L.24