សូមបងប្អូន អ្នកឯកឧត្តមលោកជំទាវ និងប្រិយមិត្ត…! |

ព័ត៌មានជាតិ

សម្ដេចតេជោ ហ៊ុន សែន ទទួលជួបពិភាក្សាការងារជាមួយ រដ្ឋមន្ត្រីក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ

16-03-2024 Vanna Thavy

នៅវិមាន៧មករា នាព្រឹកថ្ងៃសុក្រ ៦កើត ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤ នេះ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា បានទទួលជួបពិភាក្សាការងារជាមួយឯកឧត្តម វិល័យ ឡាខាំហ្វង ឧបនាយករដ្ឋមន្ត្រី រដ្ឋមន្ត្រីក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យ ប្រជាមានិតឡាវ៕

ព័ត៌មានជាតិ

នារីវ័យក្មេងម្នាក់ ជិះម៉ូតូទៅលោតទឹក.សម្លា.ប់ខ្លួន ពីលើស្ពានជ្រោយចង្វារ ហើយលិចបាត់ បន្សល់តែលេខទូរស័ព្ទ ស្បែកជើង និងម៉ូតូ ១គ្រឿង…

26-03-2023 Vanna Thavy

ភ្នំពេញ៖ នៅថ្ងៃទី២៣ ខែមីនា ឆ្នាំ២០២៣ នៅចំណុចលើស្ពានជ្រោយចង្វារចាស់ក្នុង សង្កាត់ជ្រោយចង្វារ ខណ្ឌជ្រោយចង្វាររាជធានីភ្នំពេញ ក្រុមគ្រួសារអោយដឹងថា ឈ្មោះ សាលីម ហ្សាហ្វូរ៉ា អាយុ២៣ឆ្នាំ មានលំនៅ ភូមិទី១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ទើបតែលែងប្តីមានកូនប្រុសអាយុប្រមាណ១ខួបក្នុងបន្ទុក ។ នៅមុនពេលកើតហេតុ គេឃើញនារីរូបនោះបានជិះម៉ូតូ ម៉ាកហុងដាឌ្រីម ពណ៌ខ្មៅមួយគ្រឿង ពាក់ស្លាកលេខភ្នំពេញ 1GB.២៦៨៦ មួយគ្រឿងបានធ្វើដំណើរឡើងស្ពានជ្រោយពីកើតទៅលិច រួចក៏បានវាង១ជុំដល់រង្វង់មូលកួចកាណុងក៍បានត្រឡប់ទៅជ្រោយចង្វារ វិញ។ ពេល ចុះពីលើស្ពានបានបន្តិច ក៍បានឈប់ម៉ូតូ ដោះស្បែកជើង ព្រមទាំងសរសេរទុកលេខ ទូរស័ព្ទម្តាយ០១៦ ៥២២៣០០ រួចលោតចុះទៅក្នុងទន្លេសម្លាប់ខ្លួនតែម្តង។ បន្ទាប់ពីលោតសម្លា.ប់ខ្លួនស្ត្រីជាម្តាយរួចទាំងបងប្អូន ក៏បានធ្វើដំណើរទៅលើស្ពានទាំងស្លុតចិត្តបំផុត ។ តាមស្ត្រីជាម្តាយ បានយំរៀបរាប់ទាំងទឹកអោយដឹងថា មូលហេតុ ដែលធ្វើអោយកូនស្រីរបស់គាត់លោតទឹកសម្លាប់ដោយសារតែវិបត្តិក្នុងគ្រួសារ ដោយសារតែ ប្តី មានឈ្លោះទាស់ទែងលែងលះ គ្នា ប្រមាណ១ឆ្នាំ មកហើយ តែ កូនស្រីគាត់ចិត្តមិនដាច់នៅតែនឹកអាលោះអាល័យ ប្តី គ្មានពេលល្ហែនិងបានព្យាយាមសម្លាប់ខ្លួន ប្រមាណជាង១០ដងមកហើយ […]

ព័ត៌មានជាតិ

ក្រុមហ៊ុនអានកូរ ចាប់ដៃគូជាមួយក្រុមហ៊ុនចិនអភិវឌ្ឍន៍

09-05-2023 Vanna Thavy

ព្រះសីហនុ៖ រមណីយដ្ឋានទឹកធ្លាក់ក្បាលឆាយមិនត្រឹមតែជាកន្លែងសម្រាប់ភ្ញៀវទេសចរណ៍មកមុជទឹកជ្រោះលេងកម្សាន្តនោះទេ ប៉ុន្តែបច្ចុប្បន្ននេះរមណីយដ្ឋានទឹកធ្លាក់ក្បាលឆាយក៏បានបន្ថែមនូវការជិះទូកបណ្ដែតលើទឹកថែមទៀតផង។ សូមបញ្ជាក់ផងដែរថា រមណីយដ្ឋានទឹកធ្លាក់ក្បាលឆាយ ស្ថិតនៅក្នុងភូមិសាស្ត្រក្រុងព្រះសីហនុ ដែលមានចម្ងាយពីផ្លូវជាតិលេខ ៤ ប្រមាណជាង ៩ គីឡូម៉ែត្រ។ លោក តាំង គាតេង អ្នកគ្រប់គ្រងតំបន់អភិរក្សទឹកស្អាតអានកូរបានឲ្យដឹងថា រមណីយដ្ឋានធម្មជាតិទឹកធ្លាក់ក្បាលឆាយគឺស្ថិតនៅក្រោមការគ្រប់គ្រងរបស់ក្រុមហ៊ុនអានកូរ ដែលជារមណីយដ្ឋានពេញនិយមពីសំណាក់ភ្ញៀវជាតិ និងអន្តរជាតិទៅទស្សនាកម្សាន្តដោយមានទឹកជ្រោះធ្លាក់ច្រើនជាន់ មានកន្លែងអង្គុយលេងហូបចុកក្នុងតម្លៃសមរម្យ។ បន្ថែមលើនេះ ដើម្បីមានការអភិវឌ្ឍន៍បន្ថែម រមណីយដ្ឋានទឹកធ្លាក់ឆាយបច្ចុប្បន្នក្រុមហ៊ុនរកដៃគូអភិវឌ្ឍន៍ឱ្យមានកន្លែងចែវទូកលេងកម្សាន្ត និងទូកបណ្ដែតទឹកតាមដងជ្រោះដែលមានចម្ងាយប្រមាណជាង ២គីឡូម៉ែត្រ។ លោកបន្ថែមថា ការរៀបចំរមនីយដ្ឋានថ្មីបន្ថែមទៀតនេះ ក្នុងគោលបំណងចូលរួមជាមួយនឹងអាជ្ញាធរខេត្តក្នុងការទាក់ទាញភ្ញៀវទេសចរណ៍ទាំងជាតិ អន្តរជាតិមកលេងកាន់តែច្រើនបង្កើនប្រាក់ចំណូលជូនដល់កូនចៅបងប្អូនប្រជាពលរដ្ឋអាជីវករលក់ដូរនៅក្នុងតំបន់រមណីយដ្ឋានទឹកធ្លាក់ក្បាលឆាយផងដែរ ដូចនេះហើយទើបលោករកដៃគូក្នុងការសហការបង្កើតនូវទីតាំងថ្មីនេះបន្ថែមទៀត។ ក្នុងនោះលោកក៏បានលើកឡើងផងដែរថា ភ្ញៀវទេសចរណ៍ក្រៅពីទស្សនាលេងកំសាន្តនៅតាមតំបន់ឆ្នេរដីគោកដីកោះ សូមអញ្ជើញមកទស្សនាលេងកម្សាន្តរមណីយដ្ឋានទឹកធ្លាក់ក្បាលឆាយ ដែលក្រុមហ៊ុនកំពុងមានការអភិវឌ្ឍថ្មីៗបន្ថែមទៀត។ ក្នុងការចូលលេងកំសាន្តជិះទូកបណ្ដែតលើទឹកនេះដែរក្នុងតម្លៃម្នាក់ ៣០ដុល្លារ អាចជិះបានពីរនាក់ ដោយឡែកការចូលទស្សនាងូតទឹកលេងកម្សាន្តទឹកធ្លាក់ក្បាលឆាយ គឺមិនមានការគិតថវិកាអ្វីនោះ ឡើយ សម្រាប់យានយន្តចូលលេងកម្សាន្តគឺតម្លៃ ៥០០០ រៀល។ ចំពោះអនាម័យបរិស្ថានលោកបានរៀបចំក្រុមអនាម័យសំអាតជាប្រចាំ ដើម្បីធ្វើយ៉ាងណាឲ្យបរិស្ថានរមណីយដ្ឋានស្អាត។ ថ្ងៃទី៨ ខែឧសភា ២០២៣ ។ ដោយ L 42