គ្រូមន្តអាគមន៍ម្នាក់តាំងខ្លួនជាអ្នកចេះកាត់ប្រជ្រុយស៊យចេញ បន្លំច្របាច់ស្ទាបអង្អែល នារីលក់អនឡាញ៣នាក់ សព្វទីកន្លែងគ្មានចន្លោះ..!
ភ្នំពេញ៖ បុរសអ្នកលក់ថ្នាំខ្មែរម្នាក់ បានតាំងខ្លួនជាគ្រូមន្តអាគមន៍ចេះកាត់ប្រជ្រុយស៊យឲ្យមានលាភបាន ហើយក៏បានល្បួងស្ត្រីអ្នកលក់អនឡាញចំនួន៣នាក់ចូលទៅកាត់ប្រជ្រុយក្នុងបន្ទប់។ លុះពេលចូលទៅដល់ក៏បានឲ្យពួកនាងដោះសម្លៀកបំពាក់ចេញពីខ្លួនអស់គ្មានសល់ រួចហើយធ្វើសកម្មភាពចាប់ច្របាច់ ស្ទាបអង្អែលសព្វកន្លែងកៀនកោះគ្មានសល់ត្រង់ចន្លោះណាឡើយ។ បន្ទាប់មកក៏បានជិះម៉ូតូគេចខ្លួនបាត់ ក្រោយមកទើបពួកនាងៗដឹងខ្លួន ហើយបានប្ដឹងនគរបាលខណ្ឌដង្កោ ឲ្យជួយអន្តរាគមន៍តែម្តង លុះ២ថ្ងៃក្រោយទើបចាប់ខ្លួនជនរូបនោះបាននាំទៅសាកសួរ និងកសាងសំណុំរឿង។ ហេតុការណ៍នោះបានកើតឡើងកាលពីវេលាម៉ោងម៉ោង០៨និង៣០នាទីព្រឹក ថ្ងៃទី២៥ ខែសីហា ឆ្នាំ២០២២ នៅក្នុងបុរីកសិកម្មចំការដូង ស្ថិតក្នុងភូមិខ្វា សងា្កត់ដង្កោ ខណ្ឌដង្កោ រាជធានីភ្នំពេញ ។
បើតាមនគរបាលបានប្រាប់ឲ្យដឹងថា ជនសង្ស័យខាងលើមានឈ្មោះ ឃួន សារ៉េត អាយុ៤៦ឆ្នាំ ជនជាតិខ្មែរ មុខរបរកសិករ និងលក់ថ្នាំខ្មែរ មានទីលំនៅភូមិហប់ ឃុំគោកខ្ចក ស្រុកកំពង់ត្របែក ខេត្តព្រៃវែង ។ ហើយនគរបាលក៏បានដកហូតយកសម្ភារៈមួយចំនួនដូចជា ចិញ្ចៀនលោហៈធាតុដាំត្បូងពណ៌ស១វង់, ខ្សែដៃលោហៈធាតុពណ៌លឿង១ខ្សែ, ម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាលលេខ តាកែវ 1K-5383 ០១គ្រឿង, ទូរស័ព្ទដៃម៉ាកណូគាចុចពិល ០១គ្រឿង, កាបូបស្ពាយពណ៌ខ្មៅ០១ និងគ្រឿងសក្ការៈមួយចំនួន។
ដោយឡែកស្ត្រីរងគ្រោះទី១ មានអាយុ១៨ឆ្នាំ ទី២ មានអាយុ២១ឆ្នាំ និងទី៣ មានអាយុ៣៤ឆ្នាំ អ្នកទាំង៣មានមុខរបរជាអ្នកលក់ទំនិញតាមអនឡាញ ។
ប្រភពខាងលើបានរៀបរាប់ឲ្យដឹងទៀតថា លុះដល់វេលាម៉ោង៥ល្ងាចថ្ងៃខែឆ្នាំដដែល ជនសង្ស័យបានហៅនារីរងគ្រោះទី២ អាយុ២១ឆ្នាំ ឲ្យចូលទៅក្នុងបន្ទប់ ដើម្បីកាត់ប្រជ្រុយបន្តទៀត។ ខណៈនោះជនសង្ស័យបានប្រើវិធីដដែលដាក់នារីទី២នេះដូចជានារីទី១ដែរ ហើយបន្ទាប់ពីរួចរាល់ ក៏បានឲ្យនាងចេញពីបន្ទប់វិញដូចគ្នា។ លុះរហូតដល់វេលាម៉ោង៧យប់ថ្ងៃខែឆ្នាំដដែល ជនសង្ស័យក៏បានហៅនារីទី៣ អាយុ៣៤ឆ្នាំ ឲ្យចូលក្នុងបន្ទប់ រួចធ្វើសកម្មភាពដាក់នាងដូចជានារី២នាក់មុនៗដែរ។
ក្រោយមក ទើបនារីទាំង៣នាក់ខាងលើនេះ ភ្ញាក់ខ្លួនដឹងថា ចាញ់បោ.កជនសង្ស័យ ហើយរហូតដល់វេលាម៉ោង៣រសៀល ថ្ងៃទី២៨ ខែសីហា ឆ្នាំ២០២២នេះ ទើបនាំគ្នាទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដង្កោ ដើម្បីឲ្យជួយអន្តរាគមន៍ស្រាវជ្រាវរកជនសង្ស័យតែម្តង។
បច្ចុប្បន្ននេះ ជនខាងលើ កំពុងត្រូវបានឃុំខ្លួនជាបណ្ដោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមច្បាប់៕070500010
